Хятад улс ирэх гурван жилд Өвөр Монголын Өөртөө Засах Орны хойд хэсэгт 20 тэрбум юань буюу 2.5 тэрбум ам.долларын өртөг бүхий төмөр зам барих болсон тухай Өвөр Монголын Төмөр замын хэрэг эрхлэх газар мэдэгдлээ. Бүс нутгийн төмөр замын төсөлд хөрөнгө оруулах уриалгыг орон даяар зарлаж байгаа бөгөөд сүүлийн гучин жилд тус бүс нутагт нийтдээ 5 тэрбум юань буюу 617 тэрбум ам.долларын хөрөнгө төмөр замын салбарт оруулаад байгаа ажээ. Энэхүү төмөр замын сүлжээний төсөлд одоо засвартай байгаа Өвөр Монголоос Хэбэй мужийн Жанчхүү хот, Шаньси мужийн Шэнму суурин болон Шаньси мужийн Датонг хотыг холбосон хамгийн багадаа 2500 километр урт төмөр зам багтаж байгаа юм. Шинэ төсөл нь Өвөр Монголын нүүрсний тээвэрлэлтийг улам хялбар, төвөггүй болгоход чиглэгдэж байгаа бөгөөд Өвөр Монголыг далайн гол боомтууд болох Тянь-Жин болон Циндаотай холбох юм. Өвөр Монгол нь Хятадын хөдөө аж ахуйн гол бүс нутаг бөгөөд тус улсын нийт нүүрсний 22.3 хувь буюу 223.4 тэрбум тонн нүүрсний нөөцтэй юм. Түүнчлэн тус бүс нутгийн зургаан том нүүрсний орд байдаг бөгөөд тус бүр нь 10 тэрбум тонны нөөцтэй ажээ.