Southern Mongolian Human Rights Information CenterSouthern Mongolian Human Rights Information Center
HomeAbout UsCampaignsSouthern Mongolian WatchChineseJapaneseNewsLInksContact Us
<Butsah>

 

 

Хятадын 17 ачааны машин Монгол нутгийн гүнд 250 км цөмрөн оржээ

   
Өдрийн сонин
2006.04.13

Уугуул хөдөлгөөний удирдах зөвлөлөөс Монгол Улсын Ерөнхийлөгч, УИХ-ын дарга, УИХ-ын гишүүд, Ерөнхий сайд, нийт ард иргэддээ хандан мэдэгдэл гаргажээ. Мэдэгдэлд 2006 оны дөрөвдүгээр сарын 09-ний 04 цагийн үед Өмнөговь аймгийн Ханбогд сумын нутаг дахь Гашуун сухайтын хилийн боомт орчмоор Хятадын хүнд даацын 17 ачааны машин, 40 гаруй иргэд, Монгол нутгийн гүнд 250 км цөмрөн орж, Өмнөговь аймгийн Цогтцэций сумын Тавантолгойн уурхайн орчимд байрлаад байна. Тус ачааны машинууд Тавантолгойн уурхайгаас коксжсон нүүрс тээвэрлэхээр орж ирсэн гэж байгаа боловч ямар ч зөвшөөрөл, бичиг баримтгүй, юу тээвэрлэж, яах гэж орж ирсэн нь мэдэгдэхгүй маш аюултай нөхцөл байдал үүсээд байна. Учир нь эдгээр машинууд хэзээ, яах гэж, юу тээвэрлэж орж ирснийг Гаалийн ерөнхий газар, Гашуунсухайтын гаалийнхан, Хил хамгаалах ерөнхий газар, Гашуунсухайтын хилийн заставынхан, Өмнөговийн Цагдаагийн хэлтэс мэдэх нь бүү хэл, орж ирсэн тухай нь ч дуулаагүй байна.

Та бүхэн үүнийг анхаарч, судалж тусгаар тогтнол, хил хязгаараа хамгаалан дуугарахыг шаардажбайна. Эдгээр машинууд юу ачиж, яах гэж орж ирсэн, орж ирэх ёстой үгүйг тогтоож Уугуул хөдөлгөөний гишүүд. дэмжигчид, Өмнөговийн ард түмэн, Монголын ард түмэнд мэдээлэл хийхийг хүлээж байна.
Тус бүр нь 100 тоннын даацтай 17 машин Монгол Улсын тусгаар тогтнол, аюулгүй байдал, хүн амын эрүүл мэнд, эрх чөлөөнд аюул учруулж болох ачаа тээвэрлэн орж ирсэн байвал яах вэ?

Хятадын 200-300 ачааны машин 1991 оны хоёр улсын Засгийн газар хоорондын авто тээврийн тухай гэрээг зөрчин Монголын нутагт 250 км гүнд нэвтрэн Тавантолгойн уурхайгаас нүүрс тээвэрлэж, хятадын 400 орчим жолооч нар ажиллаж, энэ үедээ тэмээ мал дайрч, хөдөөгийн малчид иргэдийг айлгаж ичээж байсан тухай олон баримт бий. Энэ явдлыг таслан зогсоохоор Өмнөговь аймгаас сонгогдсон төрийн түшээд идэвхтэй ажилласны хүчинд Өмнөговийн бизнес эрхлэгчид Таван толгой транс нэртэй 100 хувь Монголын компанийг байгуулан ажиллаад дөрвөн cap гаруй боллоо. Тус компани ажилласнаар 350 гаруй монгол ажилчид 300 гаруй мянган төгрөгийн цалинтай ажил эрхэлж ахуй амьдралаа өөд нь татаж эхлээд байгаа билээ. Гэтэл өмнө ажиллаж байсан хятадын Пу Шинь компани зарим монгол дарга, эрх мэдэлтнүүдтэй хамтран дахин тээвэр хийж, олон улсын гэрээ зөрчиж эмх замбараагүй байдал үүсгэхээр улайрсаар дээрх нөхцөл байдлыг буй болгоод байгаа бололтой. Өмнөговь аймгийн гаралтай гэх СИТИ Сүхбаатар гэгч нь төрийн сайдын хамт Өмнөговь аймгийн зүүн бүсийн сумдаар явж Тавантолгойн уурхай, Гашуунсухайтын боомт дээр хятадын Пу Шинь компанийн үүсгээд байсан асуудлыг маш сайн ойлгож мэдээд явсан юм. Гэтэл тэрээр гааль, хилийн байгууллагуудаар Хятадын машинуудыг Монголд оруулж ирэхээр хөөцөлдөж явсан гэх мэдээлэл байх юм. Арай төрийн сайдад буруу зөрүү мэдээлэл өгч төөрөгдүүлэн, хууль бус үйл ажиллагаандаа татаж оролцуулах гэж байсан юм биш биз.

Пү шинь гэдэг Хятадын компани нь олон улсын гэрээ зөрчиж, Монголын нутагт тээвэр хийж, монгол ажилчдын оронд хятадуудаа ажиллуулахаар улайран тэмцэж байснаа сүүлдээ Монгол Улсын дархан хилийг зөрчиж, хил, гаалийн байгууллагынханд ч мэдэгдэлгүй Монгол нутагт цөмрөн орж ашиг хонжоо хайсан увайгүй үйл ажиллагаа нь Улс орны дархан хил, аюулгүй байдалд хохирол учруулахуйц хэмжээнд хүрээд байгааг ДАРГА нар минь анхаарч, яаралтай арга хэмжээ авч 2006 оны дөрөвдүгээр сард багтаан ард түмэндээ хариулт өгөхийг дахин шаардаж байна.

Боломжийн цалинтай ажилтай болоод байгаа 350 монголчууд тэдний гэр бүлийн эрх ашиг, нийт иргэдийнхээ болоод улсынхаа аюулгүй байдал, тусгаар тогтнолыг цөөхөн монгол дарга нараар хамгаалуулсан хятадын компаниар хөндүүлэхгүй гэдгээ албан ёсоор мэдэгдэж байна. Та бүхнийг хүндэтгэсэн Уугуул хөдөлгөөний удирдах зөвлөл 2006.04.12 гэжээ.

 

<Butsah>

 

 
From Yeke-juu League to Ordos Municipality: settler colonialism and alter/native urbanization in Inner Mongolia

Close to Eden (Urga): France, Soviet Union, directed by Nikita Mikhilkov

Beyond Great WallsBeyond Great Walls: Environment, Identity, and Development on the Chinese Grasslands of Inner Mongolia

The Mongols at China's EdgeThe Mongols at China's Edge: History and the Politics of National Unity

China's Pastoral RegionChina's Pastoral Region: Sheep and Wool, Minority Nationalities, Rangeland Degradation and Sustainable Development

Changing Inner MongoliaChanging Inner Mongolia: Pastoral Mongolian Society and the Chinese State (Oxford Studies in Social and Cultural Anthropology)

Grasslands and Grassland Science in Northern ChinaGrasslands and Grassland Science in Northern China: A Report of the Committee on Scholarly Communication With the People's Republic of China

The Ordos Plateau of ChinaThe Ordos Plateau of China: An Endangered Environment (Unu Studies on Critical Environmental Regions)
 ©2002 SMHRIC. All rights reserved. Home | About Us | Campaigns | Southern Mongolian Watch | News | Links | Contact Us